Բնակարանի գնումը կամ վարձակալությունը վերջին շրջանում մեծ աճ ունեցավ Հայաստանում։ Թե տեղացիները, թե օտարերկրացիները հասցրել են գնել և վարձակալել բնակարաններ՝ իրենց ցանկալի հասցեում։
Գնել բնակարան, թե՞ վարձակալել բնակարան։ Երկու դեպքում էլ հարկ է դիտարկել իրավաբանական կողմերը՝ հնարավոր խնդիրներից խուսափելու համար։ Ստորև կանդրադառնանք Հայաստանի Հանրապետությունում բնակարանի գնման և վարձակալության հիմնական կետերին և այս ամենի մեջ իրավաբանական ծառայությունների անհրաժեշտությանը։
Բնակարանի գնումը Հայաստանում
Օտարերկրացիները Հայաստանում կարող են լինել բնակարանի սեփականատեր, ներառյալ՝ անշարժ գույքի առուվաճառք, տիրապետում, վարձակալություն, և կտակով փոխանցում։ Սա հատկապես գրավիչ գործոն է երկրում անշարժ գույքի ներդրումների տեսանկունից։
Իրավաբանական գործընթացներ
Գույքը տեսնելուց, հավանելուց ու կյանքն այնտեղ պատկերացնելուց հետո, հերթն է անցնել իրավաբանական գործընթացներին։ Թե ինչպես գնել բնակարան իրավաբանական տեսանկյունից, կպարզենք ստորև․
Գնորդի և վաճառողի միջև առաջին քայլը պայմանագրի ստորագումն է, այնուհետև գնորդը գումարը փոխանցում է վաճառողի կողմից տրամադրված բանկային հաշվին։
Փաստաթղթերը ներկայացվում են Անշարժ գույքի կադաստրի կոմիտե՝ սեփականության իրավունքի գրանցման համար, որից հետո՝ վերջին փուլում, գնորդը ստանում է սեփականության իրավունքի վկայագիրը։
Իրավաբանական ծառայություններ
Հայաստանում իրավաբանական ընկերությունները, այդ թվում՝ Լեգիտիմուս փաստաբանական ընկերությունը, առաջարկում են անշարժ գույքի գործարքների համապատասխան իրավական աջակցություն։ Սա ներառում է առքուվաճառքի պայմանագրերի պատրաստում, փաստաթղթերի իրավական ստուգում, ինչպես նաև սեփականության իրավունքի պետական գրանցում։
Հաշվի առնելով, որ անշարժ գույքի առքն ու վաճառքը մեծ գործարք է, խորհուրդ է տրվում օգտվել իրավաբանական ծառայություններից՝ այն հնարավորինս անվտանգ և արագ իրականացնելու համար։
Բնակարանի վարձակալություն Հայաստանում
Բնակարանի վարձակալության դեպքում, նույնպես, կարևոր է հաշվի առնել իրավաբանական ասպեկտները։ Օրինակ՝ վարձակալության պայմանագրի դեպքում, տարածքի վարձակալության պայմանագիրը պետք է կազմվի գրավոր և հաստատվի նոտարով։ Եթե պայմանագիրը կնքվում է առանց նոտարական հաստատման, այն պետք է կազմվի հաստատված ձևաչափով և գրանցվի Անշարժ գույքի կադաստրի կոմիտեում։ Այս դեպքում պայմանագիրը ձեռք է բերում իրավական ուժ, և երկու կողմերն էլ հնարավորություն են ստանում պաշտպանել սեփական իրավունքները։
Վարձով բնակարաններ հանձնող կողմը պարտավոր է վճարել եկամտային հարկ՝ վարձակալությունից ստացված եկամուտի 10%-ի չափով։ Հարկային պարտավորությունների չկատարումը կարող է հանգեցնել տուգանքների և իրավական հետևանքների։
Վարձակալության լրացուցիչ կարևոր կետեր
Երևանում բնակարանի վարձակալությունը պարզ է, այնուամենայնիվ հարկ է ուշադրություն դարձնել մի շարք կարևոր կետերի։ Օրինակ՝ պայմանագրում պետք է հստակ նշվեն վարձակալության ժամկետը, ամսական վճարը, կողմերի իրավունքներն ու պարտականությունները։ Սա երկու կողմերին պաշտպանում է ավելորդ և ոչ լիազորված պարտականություններից։
Կողմերը կարող են սահմանել դեպոզիտ՝ որպես ապահովագրական միջոց հնարավոր վնասների կամ վճարումների ուշացման դեպքում։ Սա հատկապես վերաբերում է բնակարանը վարձակալության հանձնող կողմին՝ իր գույքի անվտանգությունն ապահովագրելու համար։ Այն նաև պաշտպանում է բնակարանը վարձակալողին՝ անհիմն գույքային վեճեր չունենալու համար։
Վարձակալը պետք է տեղյակ լինի, որ անշարժ գույքի կոմունալ վճարները կարող են լինել առանձին պարտավորություն, եթե դա սահմանված է պայմանագրով։ Այս իսկ պատճառով, հարկ է ուշադրություն դարձնել պայմանագրի բոլոր կետերին և անհրաժեշտության դեպքում վերանայել այն կետերը, որոնք կողմերի կարծիքով խնդրահարույց են։
Եթե վարձակալը նախատեսում է երկարաժամկետ բնակություն, խորհուրդ է տրվում պայմանագիրը կնքել նվազագույնը մեկ տարի ժամկետով՝ կայուն իրավական պաշտպանություն ունենալու համար։
Իրավաբանական ծառայություններ՝ վարձակալության դեպքում
Վարձակալության գործընթացը կարող է ներառել տարբեր իրավական նրբություններ, որոնց անտեսումը կարող է հանգեցնել վեճերի կամ իրավական խնդիրների։ Այսպիսով, դիմելով Լեգիտիմուս փաստաբանական ընկերություն, կարող եք ստանալ իրավաբանական օգնություն՝ բնակարանն առավելագույնս պատշաճ կերպով վարձակալելու համար։
- Վարձակալության պայմանագրի կազմում և վավերացում. Հայաստանում իրավաբանական ծառայությունները ներառում են մի շարք կարևոր կետեր, որոնցից են նաև պայմանագրի կազմումն ու վավերացումը։ Մասնագետները ձեզ կօգնեն կազմել պայմանագիր, որը լիովին համապատասխանում է օրենսդրության պահանջներին՝ ներառելով կողմերի իրավունքները, պարտականությունները, պայմանագրի ժամկետը, վճարման կարգը և պայմանագրի խզման պայմանները։
- Փաստաթղթերի ստուգում. Իրավաբանները կատարում են իրավական վերլուծություն՝ համոզվելու, որ վարձակալության ենթակա գույքը գրանցված է պատշաճ ձևով, իսկ սեփականատերն ունի այն վարձակալության հանձնելու լիազորություն։ Սա կանխում է ապօրինի գործարքների հնարավորությունը։
- Պայմանագրի գրանցման աջակցություն. Որոշ դեպքերում պայմանագիրը պետք է գրանցվի Անշարժ գույքի կադաստրի կոմիտեում։ Իրավաբանները կարող են ապահովել գործընթացի ճիշտ իրականացումը՝ խուսափելու հնարավոր մերժումներից կամ հետաձգումներից։
- Վիճահարույց հարցերի լուծում. Վարձակալության ընթացքում կարող են առաջանալ տարաձայնություններ՝ կապված պայմանագրի խախտման, գույքային վնասների, վարձավճարի ուշացման կամ պայմանագրի վաղաժամ խզման հետ։ Իրավաբանները կարող են հանդես գալ որպես միջնորդ կամ իրավական ներկայացուցիչ՝ պաշտպանելով ձեր շահերը։
- Հարկային խորհրդատվություն. Վարձատուները պարտավոր են վճարել եկամտային հարկ, իսկ որոշ դեպքերում՝ լրացուցիչ հարկային վճարներ։ Իրավաբանները կարող են օգնել հարկային պարտավորությունների ճիշտ հաշվարկման և վճարման հարցերում՝ խուսափելու հետագա ֆինանսական պատժամիջոցներից։
Վարձակալության գործընթացի յուրաքանչյուր փուլում իրավաբանական աջակցությունը կարող է խնայել ժամանակ, գումար և պաշտպանել կողմերի իրավունքները։ Այսպիսով, մի՛ վարանեք ստանալ մասնագիտացված օգնություն՝ հետագա խնդիրներից խուսափելու համար։